लमही नगरपालिका दाङ जिल्लाको देउखुरी उपत्यकामा अवस्थित समथर भू–भागमा रहेको छ ।
पूर्व पश्चिम महेन्द्र राजमार्ग लमही नगरपालिका हुंदै गएकोले यसको महत्व निकै बढेको छ ।
लमही नगरपालिका प्राकृतिक सम्पदा र सुन्दरताका दृष्टिले भरीपूर्ण छ । यस नगरपालिकाको
प्रमुख प्राकृतिक सम्पदाहहरुमा जलश्रोत, जङ्गल र उत्पादनसील जमिन प्रमुख हुन् ।
नगरपालिकाको नजिकमै रहेको कोइलाबास नाका र नेपालगञ्जको रुपडीया भन्सार हुंदै भारत
जान सकिने हुनाले यसको महत्व बढेको छ ।
भौगोलिक रुपमा यस नगरपालिकाको अधिकाशं भाग समथर भू–धरातल छ र धेरै जसो समथर
र खाल परेको जग्गा भएकोले वर्षाद धेरै हुँदा डुवान हुने समस्या छ भने अर्कोतिर कम वर्षाद
हुँदा खडेरीको समस्या सामना गर्नुपर्ने अवस्था रहेको छ । यस नगरपालिकाको प्रमु्ख घटना
डुवान र बाढी, हावाहुरी, विद्युतिय करेण्ट लाग्ने र आगलागी हो । यसका अलावा खडेरी, सर्पको
टोकाइ आदी यहाँ हुने अन्य प्रकोप रहेका छन् जसमध्ये सबैभन्दा बढी दुःख दिने र बारम्बार
आइरहने प्रकोपका रुपमा डुवान, बाढी आगलागी, चट्याङ्ग, असिनाको प्रभाव, हावाहुरी नै
देखिएकोले यस नगरपालिका विपदका दृष्टिकोणले सामान्य अवस्थामा रहेको छ । लमही
नगरपालिका दाङ जिल्लाको दक्षिण पूर्वी भागमा अवस्थित रहेको छ । भौगोलिक रुपले मनोरम
दृश्य प्रदान गर्ने यस नगरपालिकाको सामाजिक तथा सांस्कृतिक विविधता झनै लोभ लाग्दो छ ।
यस नगरपालिकामा ठूलो संख्यामा जनजातिहरु थारु, मगर, दलित, तथा ब्राम्ह्ण र क्षेत्रीहरुको
बसोबास रहेको पाइन्छ । नगरपालिका भित्रको जनसंख्या विवरण अनुसार कुल संख्या ५६,४२३ र
ज्ञद्दपरिवार तथा घरधुरी संख्या ११,३०९ रहेको छ । त्यसैगरी घरधुरी सर्वेक्षण अनुसार ८३.८८
प्रतिशत जनसंख्या साक्षर रहेका छन् ।